Единствена Македонија и Сојузот на пензионери започнуваат од Битола средби со пензионерите за законот за ПИО

25.01.2024 | 13:25:42 | Соопштенија

Единствена Македонија и Сојузот на здруженијата - пензионери за достоинствен живот синоќа од Битола започнаа со средби со пензионерите на кои се разгледуваат чекорите и идните актиности кои треба да доведат до усвојување на закон за пензиско и инвалидско осигурување со кој трајно и систематски се решава проблемот со пензионерите.

Да потсетиме, на 15 октомври лани Единствена Македонија и Сојузот на пензионери - пензионери за достоинствен живот во Собранието поднесоа два закони: за пензиското и инвалидското осигурување и за здравственото осигурување кои овозможуваат целосно решавање на прболемот со пензионерите.

Но, за жал, законот остана закочен во собраниските фиоки и ниту еден од 120 - те пратенции не го стави на дневен ред. Затоа на средбата, општа беше согласноста дека пензионерите размислуваат за изнаоѓање механизми директно да одлучуваат за решавање на проблемите на пензионерите после изборите.